در گذشت شاعر آذر بايجان علي ميثمي

در گذشت شاعر آذر بايجان "علي ميثمي"
بير شاعرده کؤچدو يئنه دونيادان؛ اوستاد علي ميثمي

4 دي 1395 خبر

بير شاعرده کؤچدو يئنه دونيادان؛ اوستاد علي ميثمي

تاسفله قوجامان ادبيات خاديمي و «صابر ادبي انجومني» نين قديمي عضوي اوستاد «علي ميثمي» 93 ياشيندا حياتا گؤز يومموشدور و دي آيي نين اوچونجو گونو تهرانين بهشت زهرا مزارليغي نين بئشينجي قطعه سينده تورپاغا تاپشيريلميشدير
اوستاد ميثمي گنج چاغلاريندان اجتماعي- مدني فعاليته باشلاميش و عؤمرونون سونونا قده ر مدنيتيميزين تبليغينده يورولمادان چاليشميشدير.
اوستاد علي ميثمي نين وداع مراسيمي و خاطيره تؤره ني يکشنبه گونو 4/10/1395 تهرانين کارگر شمالي خياباني نين انتهاسيندا يئرلشن «مسجدالنبي»ده کئچيريله جکدير.
«ايشيق»- آذربايجان ادبيات و اينجه صنعت سايتي امکداشلاري بو ايتگيني ادبي- مدني جمعيتينه، قارداش صابر ادبي انحومنينه و اوستاد ميثمي نين محترم عائيله سينه باش ساغليغي وئرير و اوستادين خاطيره سيني عزيزله يير.

«ايشيق»- آذربايجان ادبيات و اينجه صنعت سايتي
04/10/1395

صولح ماهنيسي / علي ميثمي

قوي آغ گؤيرچين لر اوچسون گؤيلرده
قوي صوٍلحه سس وئرسين ائل لر هر يـئرده
قوي حاققين اوزوندن آچيلسين پرده
چالينسين ائل لرين شن ترانه سي

پارلاسين هر يـئرده صولحون اوٍلکري
آچيلسين ائل لرين آيدين سحري
قالماسين ظوٍلمتين, جهلين اثري
اوجالسين گؤيلره صولحون نغمه سي

هيتلئر مکتبيندن درس آلان لارين
ووروشما اودونو يانديران لارين
اوغورسوز بايقوش تک بانلايان لارين
بوتون اؤلکه لردن کسيلسين سسي

صوٍلحه سس وئريلسين بوتون جاهاندا
بئشيک لر بومبادان قالسين آماندا
قيزيل گول لر آچسين آذربايجاندا
بزه نسين امک دن حيات صحنه سي.
چالينسين ائل لرين ظفر نغمه سي.
1330- تبريز زينداني

 

No related posts.

 

شهرزاد بدون حضور سرمايه گ...